Á þessu námskeiði er farið í gegnum alla grunnþætti sem þarf að kunna skil á og nota við ákvörðun, útreikninga, skilagreinar, réttindi og skyldur tengt launavinnslu. Það er mjög gagnlegt öllum sem vinna við og bera ábyrgða á launamálum. Námskeiðið er ítarlegt, en á sama tíma byggt upp þannig að það á að vera auðvelt að nota til stuðnings og uppflettingar samhliða launavinnslu. Heildarlengd námskeiðsins er rúmar sex klukkustundir. Námskeiðið er sett upp sem sjálfsnám og þú hefur aðgengi að námskeiðinu í 6 mánuði.

Í fyrsta hluta er farið í gegnum alla launaútreikninga sbr. sjóðsframlög, skatta, hlunnindi ofl. Í hluta tvö er farið í gegnum notkun launakerfis (DK) og allar helstu skilagreinar tengt launavinnslu. Í síðasta hluta er farið í gegnum réttindi og skyldur samkvæmt kjarasamningum og hvernig best sé að bera sig að við upplýsingaleit í helstu tilfellum.