Google Gemini er öflug gervigreind frá Google sem getur aðstoðað við skrif, hugmyndavinnu, rannsóknir, efnisgerð og úrvinnslu upplýsinga. Á námskeiðinu lærirðu að nýta Gemini á markvissan hátt, skrifa skilvirkar skipanir og vinna með verkfæri á borð við Deep Research, Canvas, Imagen og Veo til að skapa texta, myndir og myndbönd. Einnig kynnist þú NotebookLM, vinnuumhverfi sem byggir á þínum eigin heimildum og gerir þér kleift að greina gögn, draga saman efni, finna lykilatriði og búa til hljóðyfirlit og podcast úr upplýsingum. Að námskeiði loknu hefurðu öðlast hagnýta færni til að nýta gervigreind í vinnu, námi og daglegum verkefnum og vinna hraðar og markvissar með upplýsingar og efnisgerð.