Sölu- og markaðsnám

Grunnur að árangri

77.000 kr.

Um námið

Þessi námsleið er fyrir þá sem vilja öðlast traustan grunn í sölu, markaðssetningu og samskiptum við viðskiptavini. Námið hentar sérstaklega þeim sem eru að hefja feril í sölu- eða markaðsstörfum eða vilja styrkja sig á þessum sviðum. Námið er ætlað fólki sem er 20 ára eða eldra og hefur stutta formlega skólagöngu að baki. Þessi námsleið er kennd í samstarfi við Mími símenntun og er niðurgreidd af Fræðslusjóði atvinnulífsins.

Sölu- og markaðsnám – Grunnur að árangri er sjálfstæð námsleið en er jafnframt fyrri hlutinn af námsbrautinni Tilheyrir eftirfarandi braut: Sölu, markaðs- og rekstrarbraut sem spannar 2 námsannir.

Nemendur sem vilja bæta við sig hagnýtri þekkingu til að þróa viðskiptahugmynd, stofna fyrirtæki og öðlast innsýn inn í rekstur fyrirtækja geta tekið í beinu framhaldi námsleiðina Rekstrar- og frumkvöðlanám– frá hugmynd til framkvæmdar.

Upptökur af kennslustreymi verða textaðar á íslensku, ensku og pólsku. Nemendur sem hafa íslensku sem annað tungumál fá stuðningsefni.

Sölu- og markaðsnám – Grunnur að árangri NTV og Mímis-símenntunar hentar sérstaklega þeim sem hafa áhuga á að vinna við viðskipta-, sölu- og markaðsmál.

Eftir námið hefur nemandinn öðlast nægjanlega innsýn og færni í viðskipta-, sölu- og markaðsmálum til að undirbúa eigin rekstur eða til að starfa sem sölu- og markaðsfulltrúi stærri fyrirtækja.

Helstu námshlutar sem verður farið í eru:

Tölvu- og upplýsingatækni
Gerð kynningarefnis
Markaðssetning á netinu
Almenn markaðsfræði
Markaðssetning og samfélagsmiðlar
Námsdagbók og markaðssetning
Námstækni
Framsögn og framkoma
Samskipti
Sölutækni og viðskiptatengsl
Verslunarreikningur

Námsmat á námsleiðinni Sölu og markaðsnám – grunnur að árangri er hannað til að styðja við raunverulega færni og framfarir hvers og eins. Lögð er áhersla á hagnýta verkefnavinnu, leiðsagnarmat og reglulega endurgjöf frá kennurum.
Lokaverkefni staðfestir heildarárangur námsins og styður við faglega þróun. Í lok náms fá nemendur viðurkenningarskjal

Samkvæmt námsskrá, þá er námið um það bil 160 klukkustundir. Námsfrí er alltaf yfir sumarið, jólin og um páska eins og í flestum skólum.

ATH: Mikilvæg ábending fyrir fjarnemendur sem vinna í Mac umhverfi. Námsefni skólans miðast við PC umhverfi í allri Excel kennslu. Það er munur á einstökum aðgerðum á milli Mac og PC, þó hann fari minnkandi. Sá munur liggur aðallega í flýtiaðgerðum á lyklaborðinu. Nemendur í Mac umhverfi verða sjálfir að setja sig inn í þær aðgerðir. Það er í boði fjöldinn allur af hjálparsíðum á netinu sem útskýra þetta sérstaklega.