Námsbrautin hentar þeim sem hafa almenna tölvufærni og áhuga á að starfa við notendaþjónustu og stýringu á litlum eða meðalstórum staðar tölvukerfum (on-prem) eða samtengt skýja umhverfi (Hybrid cloud). Námið gerir talsverðar kröfur til nemenda og þurfa nemendur að vera tilbúnir að leggja sig fram í náminu til að ná góðum árangri. Þar sem kennslubækur og námsefni er á ensku þurfa nemendur að hafa nokkuð góð tök á ensku, ekki er þó krafist þekkingar á tækniensku.

Að loknu námi eiga þáttakendur að: 

• Hafa þekkingu og skilning á hugbúnaði tölva 

• Hafa þekkingu á hvernig algengustu netkerfi virka og geta leyst úr einföldum vandamálum tengdum þeim 

• Gera sér grein fyrir mikilvægi góðrar skjölunar, hafa skilning á mikilvægi vel skrifaðra verkbeiðna og geta teiknað upp ýmsar tegundir tölvukerfa 

• Kunna að sýsla með Windows stýrikerfi í fyrirtækjaumhverfi 

• Geta sett upp og stjórnað Microsoft Azure skýjaumhverfi 

• Geta samtengt staðar tölvukerfi við skýjaumhverfi í Azure 

• Geta þjónustað notendur í Active Directory umhverfi, þ.m.t. stofnað notendur, endursett lykilorð og set notendur í notandahópa 

• Hafa yfirgripsmikla þekkingu á hinum ýmsu Windows Server þjónustum, nemendur geta sett upp og stillt þjónusturnar eftir þörfum 

• Geta sett upp og stjórnað Microsoft 365 skýjaumhverfi 

• Geta samtengt staðar umhverfi (Active Directory) við Microsoft 365 skýjaumhverfi 

• Geta forritað og sjálfvirknivæða kóða með Power Platform 

• Kunna að sýsla með Windows stýrikerfi í skýja umhverfi Microsoft (Intune) 

• Geta þjónustað notendur í Entra ID skýjaumhverfi Microsoft, þ.m.t. stofnað notendur, hópa, endursett lykilorð og geta sýslað með notendur í notandahópum 

• Hafa þekkingu á Microsoft Teams stjórnborðs hluta og stýrt innleiðingu á umhverfi 

• Þekkja helstu öryggishættur og vita hvernig á að verjast þeim 

• Hafa hlotið þjálfun, með lokaverkefni, til að skipuleggja tölvukerfi 

Helstu námshlutar sem verður farið í á námsbrautinni: 

• Implementing and Managing Windows 11 

• Comptia Network+ 

• Microsoft Azure Administrator 

• Administering Windows Server Hybrid Core Infrastructure 

• Configure Windows Server Hybrid Advanced Services 

• Microsoft 365 Administrator 

• Create and manage canvas apps with Power Apps 

• Create and manage automated processes by using Power Automate 

• Create and manage model-driven apps with Power Apps and Dataverse 

• Microsoft 365 Certified: Endpoint Administrator Associate 

• Microsoft 365 Certified: Teams Administrator Associate 

• Microsoft Certified: Security Operations Analyst Associate 

Þessi námsbraut veitir diplóma svo fremi sem nemendur standist frammistöðumat.

Kennslan er áætluð 456 kennslustundir (304 klukkustundir) og vinnuframlag nemenda er í kringum 8-16 klukkustundir á viku.

Advania ætlar að styrkja eina konu til náms hjá NTV skólanum í Kerfisstjórnun Diplómanám.

Í samstarfi við Advania er sérstakt átak í gangi núna til að vekja athygli kvenna á kerfisstjórnun. Mikil eftirspurn er eftir menntuðum kerfisstjórum í atvinnulífinu en hingað til hafa karlar verið í miklum meirihluta þeirra sem sinna starfinu. Advania styrkinn er sem nemur 50% af námskeiðsgjöldum námsbrautarinnar. Áhugasamir einstaklingar eru beðnir um að skrifa um það bil 300-400 orða greinargerð með námsumsókninni um hvers vegna það hafi áhuga á náminu og lýsingu á því hvers vegna það ætti að fá styrkinn. Nauðsynlegt er að taka fram neðst í umsókninni á skráningasíðunni (sem er hér) að sótt sé um Advania-styrkinn undir liðnum Athugasemdir. Greinagerðina skal senda á [email protected].