Kerfisstjóri Diplómanám

2 anna braut

VERÐ

1.315.000 kr.

UM NÁMIÐ

Þetta tveggja anna nám kynnir nemendur fyrir flestum þeim kjarnaverkefnum sem kerfisstjórar þurfa að takast á við í starfi sínu. Kerfisstjóri Diplómanám er ætlað þeim sem hafa áhuga á að starfa við kerfisstjórn og geta stjórnað netþjónum ásamt því að geta sinnt notandaþjónustu. Nemendur læra að vinna með Windows útstöðvar, Intune og unnið með netþjóna (Windows Server) á staðarneti sem og í skýjaumhverfi. Nemendur læra að skilja og vinna með netkerfi.

Námsbrautin hentar þeim sem hafa almenna tölvufærni og áhuga á að starfa við notendaþjónustu og stýringu á litlum eða meðalstórum staðar tölvukerfum (on-prem) eða samtengt skýja umhverfi (Hybrid cloud). Námið gerir talsverðar kröfur til nemenda og þurfa nemendur að vera tilbúnir að leggja sig fram í náminu til að ná góðum árangri. Þar sem kennslubækur og námsefni er á ensku þurfa nemendur að hafa nokkuð góð tök á ensku, ekki er þó krafist þekkingar á tækniensku. Nemendur þurfa að hafa góða almenna tölvufærni.

Nemendur sem ljúka námsbrautinni og standa sig með prýði eru færir um að starfa á við notandaþjónustu og við kerfisstýringu. Nemendur hafa þekkingu til að afla sér frekari þekkingar í faginu.

Eftir námskeiðið eiga nemendur að:

Hafa þekkingu og skilning á hugbúnaði tölva.

Hafa þekkingu á hvernig algengustu netkerfi virka og geta leyst úr einföldum vandamálum tengdum þeim.

Gera sér grein fyrir mikilvægi góðrar skjölunar, hafa skilning á mikilvægi vel skrifaðra verkbeiðna og geta teiknað upp ýmsar tegundir tölvukerfa.

Kunna að sýsla með Windows stýrikerfi í skýja umhverfi Microsoft (Intune).

Geta þjónustað notendur í Entra ID skýjaumhverfi Microsoft, þ.m.t. stofnað notendur, hópa, endursett lykilorð og geta sýslað með notendur í notandahópum.

Geta sett upp og stjórnað Microsoft Azure skýjaumhverfi.

Geta samtengt staðar tölvukerfi við skýjaumhverfi í Azure.

Geta þjónustað notendur í Active Directory umhverfi, þ.m.t. stofnað notendur, endursett lykilorð og set notendur í notandahópa.

Hafa yfirgripsmikla þekkingu á hinum ýmsu Windows Server þjónustum, nemendur geta sett upp og stillt þjónusturnar eftir þörfum.

Geta sett upp og stjórnað Microsoft 365 skýjaumhverfi.

Geta samtengt staðar umhverfi (Active Directory) við Microsoft 365 skýjaumhverfi.

Geta forritað og sjálfvirknivæða kóða með Power Platform.

Hafa þekkingu á grundvallarhugtök gervigreindar (AI) og hvernig hægt er að nota þjónustur Microsoft Azure til að búa til AI lausnir.

Hafa þekkingu á Microsoft Teams stjórnborðs hluta og stýrt innleiðingu á umhverfi.

Geta sett upp símkerfishluta Microsoft Teams við fjarskiptafyrirtæki.

Þekkja helstu öryggishættur og vita hvernig á að verjast þeim.

Hafa hlotið þjálfun, með lokaverkefni, til að skipuleggja tölvukerfi.

Í hverjum kennslutíma eru fyrirlestrar og einnig er lögð áhersla á verklegar æfingar í lab umhverfi. Kennari stýrir umræðum um námsefnið ásamt sýnikennslu o.fl. Námsbrautin er samsett úr námsefni frá: Comptia Network+, Windows Endpoint Administrator MD-102, Microsoft 365 Administrator MS-102, Administering Windows Server Hybrid Core Infrastructure AZ-800, Configure Windows Server Hybrid Advanced Services AZ-801, Microsoft Azure Administrator AZ-104, Create and Manage Canvas Apps with Power Apps PL-7001, Create and Manage Automated Processes by using Power Automate PL-7002, Create and Manage Model-Driven Apps with Power Apps and Dataverse PL-7003, Azure AI Fundamentals AI-900, Managing Microsoft Teams MS-700, Collaboration Communications System Engineer MS-721, Microsoft Security, Compliance, and Identity Fundamentals SC-900, Microsoft Security Operations Analyst SC-200. Auk þess taka nemendur á brautinni þátt í lokaverkefni, sem tekur saman efni tveggja anna og er aðeins í boði fyrir þá nemendur sem eru skráðir á námsbraut.

Að loknu námi fá nemendur diplóma svo fremi sem þeir standast frammistöðumat.

Advania ætlar að styrkja eina konu til náms hjá NTV skólanum í Kerfisstjórnun Diplómanám.

Í samstarfi við Advania er sérstakt átak í gangi núna til að vekja athygli kvenna á kerfisstjórnun. Mikil eftirspurn er eftir menntuðum kerfisstjórum í atvinnulífinu en hingað til hafa karlar verið í miklum meirihluta þeirra sem sinna starfinu. Advania styrkinn er sem nemur 50% af námskeiðsgjöldum námsbrautarinnar. Áhugasamir einstaklingar eru beðnir um að skrifa um það bil 300-400 orða greinargerð með námsumsókninni um hvers vegna það hafi áhuga á náminu og lýsingu á því hvers vegna það ætti að fá styrkinn. Nauðsynlegt er að taka fram neðst í umsókninni á skráningasíðunni (sem er hér) að sótt sé um Advania-styrkinn undir liðnum Athugasemdir. Greinagerðina skal senda á [email protected].

Ganga þarf frá greiðslu áður en námskeið hefst.
Við bjóðum upp á eftirfarandi greiðslumöguleika:

1. Innlegg í heimabanka NTV: 0545 – 26 – 44. Kt: 681096-2729

2. Fá kröfu í heimabanka einstaklings eða fyrirtækis til að greiða þar. Sendið beiðni á [email protected]

3. VISA eða MasterCard lán (raðgreiðslur) til allt að 36 mánaða

4. Netgíró https://www.netgiro.is/. Hámarksfjárhæð er 1.000.000 kr. til allt að 24 mánaða

5. Pei.is http://pei.is/ Hámarksfjárhæð er 2.000.000 kr. til allt að 48 mánaða

Kynntu þér vel mögulega styrki, reglur um endurgreiðslu ofl hér

SKRÁNING