Launafulltrúinn

Allt um launaútreikninga, launakerfið, kjarasamninga og réttindi

48.500 kr.

Um námið

Námið er sjálfsnám þar sem farið er í gegnum alla helstu grunnþætti sem þarf að kunna skil á og beita við ákvörðun, útreikninga, skilagreinar, réttindi og skyldur tengdum launavinnslu. Námið er gagnlegt þeim sem starfa við launamál eða bera ábyrgð á launavinnslu. Efnið er ítarlegt en jafnframt sett upp á skýran og aðgengilegan hátt þannig að auðvelt er að nýta það sem stuðning og til uppflettingar samhliða launavinnslu. Þátttakendur hafa aðgang að námsefninu í sex mánuði frá skráningu.

Námið er gagnlegt fyrir þá sem starfa við launamál eða bera ábyrgð á launavinnslu og hafa þegar grunnþekkingu á sviðinu. Námið er ekki ætlað þeim sem hafa enga reynslu eða þekkingu á launavinnslu og er ekki til þess fallið að mennta þátttakendur sem launafulltrúa frá grunni.

Markmið námsins er að styrkja þekkingu, auka yfirsýn og styðja við daglega vinnu þeirra sem koma að launavinnslu.

Að loknu námi eiga þátttakendur að hafa öðlast þekkingu og skilning á:

Launaútreikningum, s.s. sjóðsframlögum, skattum, hlunnindum o.fl.
Uppsetningu launamanna í DK launakerfi
Réttindum og skyldum samkvæmt kjarasamningum
Hvernig best sé að bera sig að við upplýsingaleit við launavinnslu

Námið skiptist upp í þrjá hluta:

Hluti 1 – Launaútreikningur
Hluti 2 – Launakerfi DK
Hluti 3 – Réttindi og skyldur samkvæmt kjarasamningum