Skrifstofuskóli

Fyrir fólk með stutta skólagöngu

78.800 kr.

Um námið

Í Skrifstofuskólanum er lögð rík áhersla á að styrkja einstaklinginn og gera hann hæfari til að takast á við krefjandi störf á vinnumarkaðinum. Námið er byggt á námskrá frá Fræðslumiðstöð Atvinnulífsins. Sjá nánar undir námsþættir.

Um er að ræða almennt skrifstofu- og tölvunám sem hentar öllum sem annað hvort eru á leið út á vinnumarkaðinn, oft eftir nokkurra ára hlé, eða vilja styrkja stöðu sína í starfi. Námið hentar einnig vel fyrir einstaklinga sem hafa íslensku sem annað tungumál og vilja styrkja sig í íslensku vinnuumhverfi og auka möguleika sína. Kennslan fer fram á íslensku, en boðið er upp á stuðningsefni og textuð myndbönd til að auðvelda námið.

Námsmaður skal hafa öðlast þekkingu og skilning á:

Lykilþáttum almennra skrifstofustarfa með áherslu á þjónustu og bókhald.
Uppbyggingu bókhalds.
Verslunarreikningi.

Námsmaður skal hafa öðlast leikni í að:

- Sinna almennum skrifstofustörfum með áherslu á þjónustu og bókhald.
- Reikna út virðisaukaskatt, prósentur og afstemma bókhald.

Námsmaður skal geta hagnýtt sér þá almennu þekkingu og leikni sem hann hefur aflað sér til að:

Veita viðskiptavinum góða þjónustu.
Skrá og stemma af fjárhagsbókhald.
Sinna almennum bókhalds- og skrifstofustörfum á faglegan hátt.

Helstu atriði sem farið er yfir:

Tölvu- og upplýsingatækni.
Viðskiptafög.
Færni á vinnumarkaði.

Sjá nánar: Skrifstofuskólinn – Námslýsing

Sjá námskrá frá Fræðslumiðstöð atvinnulífsins: Skrifstofuskolinn Námskrá

Áhersla er lögð á símat og leiðsagnarmat sem byggir á vinnu og virkni námsmanna. Þessi námsleið veitir diplóma svo fremi sem nemendur standist frammistöðumat.

Sjá nánar námskrá frá Fræðslumiðstöð atvinnulífsins undir námsþættir.