Rekstrar- og frumkvöðlanám

Frá hugmynd til framkvæmdar

55.000 kr.

Um námið

Námsleiðin er hönnuð fyrir fullorðna einstaklinga sem vilja þróa viðskiptahugmyndir, stofna eigið fyrirtæki eða efla sig í rekstri. Markmiðið er að veita nemendum hagnýta þekkingu og færni til að fara með hugmynd alla leið í framkvæmd.Námið er ætlað fólki sem er 20 ára eða eldra og hefur stutta formlega skólagöngu að baki. Þessi námsleið er kennd í samstarfi við Mími símenntun og er niðurgreidd af Fræðslusjóði atvinnulífsins.

Gert er ráð fyrir að nemendur hafi grunn tölvufærni ásamt grunnfærni í excel.

Hefst 17 febrúar 2026. Skráning stendur yfir.

Rekstrar – og frumkvöðlanám – frá hugmynd til framkvæmdar NTV og Mímis-símenntunar hentar sérstaklega þeim sem hafa áhuga á að stofna til eigin reksturs, að efla sig í rekstri og/eða að þróa viðskiptahugmynd alla leið í framkvæmd.

Eftir námið hefur nemandinn öðlast nægjanlega innsýn og færni í viðskipta-, sölu- og markaðsmálum til að undirbúa eigin rekstur eða til að starfa sem sölu- og markaðsfulltrúi stærri fyrirtækja.

Námsmat í námsleiðinni Rekstrar- og frumkvöðlanám – frá hugmynd til framkvæmdar er hannað til að styðja við raunverulega færni og framfarir hvers og eins. Lögð er áhersla á hagnýta verkefnavinnu, leiðsagnarmat og reglulega endurgjöf frá kennurum.

Lokaverkefni staðfestir heildarárangur námsins og styður við faglega þróun. Í lok náms fá nemendur viðurkenningarskjal

Samkvæmt námsskrá, þá er námið um það bil 120 klukkustundir. Námsfrí er alltaf yfir sumarið, jólin og um páska eins og í flestum skólum. Sumarfrí er í náminu frá miðjum júní fram í miðjan ágúst.

ATH: Mikilvæg ábending fyrir fjarnemendur sem vinna í Mac umhverfi. Námsefni skólans miðast við PC umhverfi í allri Excel kennslu. Það er munur á einstökum aðgerðum á milli Mac og PC, þó hann fari minnkandi. Sá munur liggur aðallega í flýtiaðgerðum á lyklaborðinu. Nemendur í Mac umhverfi verða sjálfir að setja sig inn í þær aðgerðir. Það er í boði fjöldinn allur af hjálparsíðum á netinu sem útskýra þetta sérstaklega.