Grafík "Smakkið"

Grafík „Smakkið“

145.000 kr.

Um námið

Námskeiðið Grafík—„Smakkið“ er undanfari námskeiðsins Grafík—Grunnur. Það er hugsað fyrir þá sem vilja „smakka“ á námi í Grafískri hönnun, kanna hvort áhugasviðið liggi þar. Það er stutt, hnitmiðað og verkefnadrifið grunnnám í grafískri hönnun, þar sem aðal áherslan er á notkun Adobe-hugbúnaðarins: Photoshop (myndvinnsla/pixlar), InDesign (hönnun og umbrot/samspil texta og annarra grafískra elementa), Illustrator (teikning/vektorar) og Bridge (utanumhald og aðgengi að gögnum). Markmiðið er að nemendur ráði við faglega framsetningu á auglýsinga- og kynningarefni fyrir stafræna miðla og fleira.

Athugið: Áskrift að hugbúnaðinum er ekki innifalin í verði námskeiðsins en skólinn getur haft milligöngu um ársáskrift á öllum Adobe pakkanum á góðu verði: Photoshop, InDesign, Illustrator, Bridge auk fjölda annarra forrita.

Námsleiðin er hugsuð fyrir þá sem vilja „smakka“ á námi í Grafískri hönnun, kanna hvort áhugasviðið liggi þar. Ákveðin undirstaða fyrir þá sem vilja læra að hanna auglýsinga- og kynningarefni hvort sem er fyrir netið eða prent. Einnig þá sem stefna á frekara listnám eða háskólanám í grafískri hönnun.

Að loknu námi eiga þátttakendur að:

Hafa góða grunnfærni í forritunum.
Geta nýtt gervigreindina sem hjálpartæki.
Geta hannað ýmis konar auglýsinga- og kynningarefni.
Hafa skilning á verkferlum myndvinnslu, vektora, hönnunar og umbrots.
Vera vel undirbúnir fyrir frekara nám eða störf á sviði grafískrar hönnunar.

Tæknilegt:

Photoshop – Myndvinnsla/Pixlar
InDesign – Hönnun og umbrot/Samspil texta og annarra grafískra elementa
Illustrator – Teikning/Vektorar
Bridge – Utanumhald og aðgengi að gögnum
Gervigreindin í forritunum

Faglegt í Spjalli og fyrirspurnum:

Hönnun
Merkjahönnun
Letur og leturfræði
Litir, litafræði og litvinnsla
Skipulag, vistun og frágangur
Verkefni

Sjá nánar –> Námslýsing – Grafík „Smakkið“

Námið er góður grunnur til að byggja á. Námslínan veitir ekki starfsheitið „grafískur hönnuður“ og veitir engin bein starfsréttindi.

Kennslan er áætluð um 24 klukkustundir (um 36 kennslustundir) en nemendur sem vilja ná mjög góðum tökum á viðfangsefninu og marktækum árangri þurfa klárlega að leggja á sig eitthvað heimanám.