Netöryggi - Framabraut

Netöryggi – Framabraut

2ja anna nám

VERÐ

1.399.000 kr.

UM NÁMIÐ

Sérlega mikil eftirspurn er eftir fólki með sérfræðimenntun og sérfræðiþekkingu í upplýsingatækni um þessar mundir og leita íslensk fyrirtæki í sívaxandi mæli eftir starfsfólki í nemendahópi NTV. Til þess að gera fólki kleift að kynnast þessum spennandi markaði bjóðum við hjá NTV upp á þessa geysilega öflugu tveggja anna námsbraut í Netöryggi sem samanstendur af 6 námseiningum.

Allir kennarar á Framabraut-Netöryggi eiga það sameiginlegt að búa yfir gríðarlega mikilli reynslu í upplýsingatækni og hafa flestir þar að auki Microsoft Certified Trainer gráðu frá Microsoft.

Um er að ræða mjög gagnlega og áhugaverða námsbraut sem gerir talsverðar kröfur til nemenda. Þetta nám hentar þeim sem hafa áhuga á að gera sér frama á upplýsingatæknisviði með Netöryggi sem aðalgrein. Námið er því upplagt fyrir byrjendur í upplýsingatækni þar sem hvorki er krafist reynslu né annarrar menntunar á sviði upplýsingatækni. 

Bæði í boði í staðarnámi og fjarnámi.

Öllum kennslutímum er streymt fyrir þá sem eru í fjarnámi og þeir eru þátttakendur í tímanum. Streymið er vistað fyrir þá sem missa af kennslutíma og auðvitað til að nota í upprifjun. Staðarnámsnemendur hafa líka aðgang að sama efni.

Ef þú leggur þig virkilega fram í þessu krefjandi námi þá munt þú að öðlast góða grunnþekkingu og skilning á netöryggi á sviði upplýsingatækni og opna tækifæri til að þróa þig áfram og byggja starfsframa á því sviði.

Sjá námsþætti hér að neðan.

1. hluti: Netkerfi / Networking ► 50 kennslustd.

Í fyrsta hluta námsbrautarinnar er farið yfir grunnatriði í vinnu við netkerfi (Networking) sem er nauðsynleg undirstaða fyrir seinni einingar framabrautarinnar. Stuðst er að mestu við námsefnið Network+ frá Comptia.

2. hluti: Fortinet NSE 1 / NSE 2 / NSE 3 ► 11 kennslustd.

Hér er farið í grunnþætti netöryggis.

3. hluti: Comptia security+ ► 50 kennslustd.

Comptia Security+ er alþjóðlega viðurkennd gráða sem staðfestir grunn þekkingu viðkomandi í tölvuöryggi og rekstri tæknibúnaðar. Námskeiðið kennir meðal annars: Hvernig maður metur öryggisstig tölvurekstrar og leiðir til að bæta það, daglegan öruggan rekstur og utanumhald um fjölbreytt tölvuumhverfi, meðal annars skýjahýsingar, farsíma og spjaldtölvur og IoT tæki, lýsingu á lögum og regluverki sem við þurfum að fylgja í dag, hvernig við fylgjumst með atburðum í tölvurekstri, greinum atvik og bregðumst við þeim.

4. hluti: Fortinet NSE 4 ► 63 kennslustd.

5. hluti: Cybersecurity Analyst+ ► 50 kennslustd.

CompTIA CySa+ er alþjóðlega viðurkennd gráða sem byggir ofan á þekkinguna úr CompTIA Security+, námskeiðið kennir til að mynda það að setja upp búnað fyrir eftirlit og varnir gegn atburðum, greina hættur í nettraffík og bregðast við þeim. Einnig er kennt öruggt utanumhald forrita og búnaðar í rekstrarumhverfi fyrirtækja. Varnir og viðbrögð við mögulegum innbrotum og greining á atburðum, innleiðing öruggari tölvureksturs fyrirtækja með sterkri fylgni við öryggisstaðla, stefnur og viðeigandi regluverk.

6. hluti: Microsoft Security, Compliance, and Identity Fundamentals (SC-900) ► 20 kennslustd.

Þetta námskeið veitir grunnþekkingu á öryggishugtökum, eftirliti og hlítingu (laga og staðla ss. GDPR, ISO...) og auðkenningarhugtökum og tengdum skýjatengdum Microsoft lausnum.

7. hluti: Microsoft Security Operations Analyst (SC-200) ► 40 kennslustd.

Þetta er námskeið sem fjallar um hvernig er hægt að rannsaka, bregðast við og leita að ógnum með því að nota Microsoft Sentinel, Microsoft Defender for Cloud og Microsoft 365 Defender. Á þessu námskeiði munt þú læra hvernig hægt er að draga úr netógnum með því að nota þessa tækni. Nánar tiltekið munt þú stilla og nota Microsoft Sentinel auk þess að nota Kusto Query Language (KQL) til að framkvæma uppgötvun, greiningu og skýrslugerð. Námskeiðið var hannað fyrir fólk sem vinnur í öryggisaðgerðahlutverki og hjálpar nemendum að undirbúa sig fyrir prófið SC-200: Microsoft Security Operations Analyst.

8. hluti: Verkefnadagar/lokaverkefni seinni annar  ► 30 kennslustd.

í lok annar leggjum við lokaverkefni fyrir nemendur sem byggir á því efni sem kennt hefur verið á námskeiðinu. Að okkar mati er mikilvægt að fá að vinna með búnaðinn. Nemendur útbúa einnig verkáætlun sem byggir á ákveðnum kröfum sem settar eru fyrir.

Að loknu námi fá nemendur diplóma svo fremi sem þeir standast frammistöðumat.

Staðnám eða fjarkennsla í beinni - þitt er valið!

Þetta námskeið er kennt hjá okkur í Skeifunni en hægt að taka þátt í fjarkennslu í beinni útsendingu. Það þýðir einfaldlega að þú getur tekið þátt í kennslustundinni algjörlega óháð staðsetningu. Hvort sem þú býrð á höfuðborgarsvæðinu og hefur ekki tök á að mæta í kennslustofuna, býrð úti á landi eða ert erlendis, það skiptir ekki máli.Við viljum vekja sérstaklega athygli á að hægt er að stunda bæði staðnám og fjarnám á sama námskeiðinu, þ.e. mæta stundum á staðinn og stundum vera á línunni, allt eftir því hvað hentar hverjum nemanda.

Nemendur upptökur af öllum kennslustundum í Microsoft Teams. Upptökurnar veita góðan stuðning við námið sem mun gagnast nemendum vel hvort sem námið er stundað í fjarkennslu eða í staðnámi.

Ganga þarf frá greiðslu áður en námskeið hefst.
Við bjóðum upp á eftirfarandi greiðslumöguleika:

1. Innlegg í heimabanka NTV: 0545 – 26 – 44. Kt: 681096-2729

2. Fá kröfu í heimabanka einstaklings eða fyrirtækis til að greiða þar. Sendið beiðni á [email protected]

3. VISA eða MasterCard lán (raðgreiðslur) til allt að 36 mánaða

4. Netgíró https://www.netgiro.is/. Hámarksfjárhæð er 1.000.000 kr. til allt að 24 mánaða

5. Pei.is http://pei.is/ Hámarksfjárhæð er 2.000.000 kr. til allt að 48 mánaða

Kynntu þér vel mögulega styrki, reglur um endurgreiðslu ofl hér

SKRÁNING