Forritunarbrautin spannar þrjár annir þar sem nemendur byggja upp færni frá grunni og þróast yfir í notkun háþróaðra forritunarverkfæra og tækni. Námið er yfirgripsmikið og nær yfir helstu hæfniþætti sem þarf til að starfa við hugbúnaðarsmíði. Námsefni og verkefni eru unnin í samstarfi við íslensk hugbúnaðarfyrirtæki og kennslan er í höndum starfandi forritara úr atvinnulífinu. Nemendur geta jafnframt valið einstaka hluta námsins eftir bakgrunni og þörfum, og því er ekki skilyrði að taka brautina í heild.
Hagnýtt námskeið í forritun sem byggir upp traustan grunn í vefþróun og leiðir þátttakendur markvisst yfir í full-stack lausnir og nútímalegt þróunarferli. Kennsluaðferðir miða að verkefnatengdu námi með fræðilegum undirstöðum, þar sem áhersla er á að skrifa læsilegan, viðhaldshæfan og prófanlegan kóða, og skilja samspil framenda, bakenda og gagna.
1. hluti – Grunnur
Þátttakandi hefur öðlast grunnfærni í HTML og CSS, forritun í JavaScript og uppsetningu framenda með React. Lögð er áhersla á helstu hugtök í framendaþróun: meðhöndlun gagna í viðmóti, ástands-stjórnun (state management), leiðarkerfi (routing), og hagnýta nálgun við uppbyggingu notendaviðmóta og endurnýtanlegra eininga.
2. hluti – Bakendi
Þátttakandi hefur öðlast innsýn í bakendaþróun með Node.js og grunnfærni í að hanna og smíða vefþjónustur (API). Fjallað er um gagnageymslu og gagnalíkön með PostgreSQL, tengingu bakenda við gagnagrunn, og prófanir (testing) til að tryggja gæði, áreiðanleika og stöðugleika lausna.
3. hluti – Framendi
Þátttakandi dýpkar færni sína í React og vinnur með flóknari ástands lausnir, gagnatengingar við API og heildstæða samþættingu framenda og bakenda. Einnig er farið í undirstöður CI/CD og nútímalegt útgáfuflæði, ásamt inngangi að þróun fyrir farsíma með React Native.
Í lok námskeiðsins hefur þátttakandi öðlast breiða og hagnýta innsýn í nútíma forritunarvinnu, frá grunnviðmóti til gagnadrifinna full-stack lausna, með áherslu á faglegt verklag og verkfæri sem nýtast beint á vinnumarkaði.
Námsbrautir skólans samanstanda af nokkrum námsleiðum og eru skipulagðar í hluta, frá grunnnámi upp í sérhæfðari þekkingu. Lengd námsbrauta er mismunandi, en yfirleitt á bilinu 12–16 mánuðir. Námsbrautir henta bæði þeim sem vilja hefja nám á nýju sviði og þeim sem vilja dýpka þekkingu sína, þróa faglega hæfni eða undirbúa sig fyrir tækifæri á vinnumarkaði. Að loknu námi fá nemendur diplómu sem staðfestir þá færni og þekkingu sem þeir hafa öðlast. Einnig er hægt að skrá sig í styttri námsleiðir innan námsbrautarinnar.
Staðnám er kennt í fullbúinni kennslu-/tölvustofu innan skólans. Ef viðkomandi námslína er einnig í boði í fjarnámi, þá hafa staðarnemendur aðgengi að fjarnámsefninu, sem er ekki síður mikilvægt ef þú missir úr kennsludag.
Sjá nánar: Námsform í boði
Tímarammi er afmarkaður (upphaf og endir). Nemandi hefur frelsi innan dagsins og hvaða daga vikunnar hann sinnir náminu. Það eru skilgreindir skiladagar skv. námsáætlun(prófdagar ef við á). Nemandi er hluti af hópi.
Sjá nánar: Námsform í boði
Skráðu þig, greiddu og byrjaðu námið. Nemandi fær meiri tíma til að stunda námið, 6 mánuði, eða styttri tíma ef það hentar. Fjarnám í frelsi, er hugsað fyrir þá sem geta unnið sjálfstætt og þurfa ekki daglega aðstoð.
Sjá nánar: Námsform í boði
Skráðu þig, greiddu og byrjaðu námið. Í sjálfsnámi ert þú námsmaður á eigin vegum án aðstoðar kennara. Ekki er veitt viðurkenning í lok náms.
Sjá nánar: Námsform í boði
