Námið er fyrir þá sem starfa við eða eru að stíga sín fyrstu skref í grafík, forritun eða tengdum verkefnum, svo sem verkefnastjórn og frumkvöðlastarfi. Það hentar einnig þeim sem vilja bæta við sig þekkingu í smáforrita- og vefsíðuvinnu og öðlast traustan grunn í vinnslu og útfærslu á vefum og öppum.

Að loknu námi eiga þáttakendur að:

• öðlast haldbæra þekkingu á því hvernig á að vinna með hugbúnaðinn í verkefnum eins og vefsíðum og öppum.
• hafa góðan grunn til að vinna sjálfstætt í Figma til þessa að framleiða og/eða lesa í vandað og notendavænt efni.

Helstu atriði sem verður farið yfir á námskeiðinu:

• Ítarleg kennsla á Figma hugbúnaðinn.
• Skjástærðir, aðgengi og stillingar fyrir grind (layout grid).
• Vinnsla á einföldu smáforriti og vefsíðu sem dæmi.
• Uppsetning á stílahandbók með litlum stíla „kittum“ fyrir smáforrit og vefsíðu.
• Gerð prótótýpu í Figma.
• Lokaverkefnið er einfaldur vefur eða app, þar sem þátttakendur velja sjálfir hvort þeir vilja vinna með vef eða smáforrit sem við munum módela eftir öðrum síðum/öppum sem eru þarna úti.
• Athugið að námskeiðið er mjög verkefnamiðað og þátttakendur eru í hverju skrefi að vinna verkefni sjálfir til að festa betur í minni það sem þeir eru að læra.

Frammistöðumat/einkunn er gefin fyrir námið sem byggir á verkefnaskilum. Fólki er frjálst að skila verkefnum en án verkefnaskila er ekki hægt að veita viðkomandi frammistöðumat. Þeir sem vinna samviskusamlega og skila verkefnum fá Diplóma frá NTV Promennt með lokaeinkunn.