Viðurkenndur bókari hjá NTV Promennt er ítarlegt undirbúningsnám fyrir þá sem ætla í próf til viðurkennds bókara hjá Prófamiðstöð Íslands.

Námið er byggt upp á kennslu og verklegum æfingum og rétt er að gera ráð fyrir mikilli heimavinnu. Kennsluefnið er viðamikið og aldrei tækifæri til að fara ítarlega yfir það allt í kennslunni. Því er mikilvægt er að nemendur noti talsverðan tíma yfir sumarmánuðina í lestur og sjálfsnám til að undirbúa sig fyrir prófin um haustið.

Kennslan og verkefnin í undirbúningsnáminu taka mið af því af prófefnislýsingu hverju sinni, en nemendur þurfa að lesa hana vel. Prófefnislýsinguna má nálgast hér.

Próf til viðurkenningar bókara eru mjög krefjandi, lögð er meiri áhersla á hæfni og skilning á viðfangsefni frekar en utanbókarlærdóm. Prófin gera ráð fyrir að próftakar hafi góða þekkingu á sviði bókhalds og helst einhverja starfsreynslu ásamt góðri Excel kunnáttu.

Þetta undirbúningsnám hjá NTV Promennt gerir ráð fyrir að þátttakendur hafi góða þekkingu á því sem kennt er í Bókhald grunnur (sjá námslýsingu) og Bókhald framhald (sjá námslýsingu).

Eingöngu er boðið upp á þetta nám á haustin. Skipulag námsins verður með þeim hætti að kennt er í helgarlotum, seinnipart föstudags og laugardaga.

Athygli er vakin á því að þátttakendur í staðarnámi þurfa að notast við eigin fartölvur í þessu undirbúningsnámi.

Prófgjöld eru ekki innifalin í námskeiðsverði.