Tollmiðlaranámskeið

Í samstarfi við Tollskóla ríkisins

299.000 kr.

Um námið

Tollmiðlaranámskeiðið er kennt í samstarfi við Tollskóla ríkisins. Í þessari námsleið er farið yfir helstu atriði er varða inn- og útflutning eins og gerð tollskýrslna, helstu lög og reglugerðir sem gilda um tollmeðferð vara og samskipti við tollyfirvöld. Kennsla fer fram í formi fyrirlestra í rauntíma auk þess vinna þátttakendur verkefni til þjálfunar í einstökum þáttum. Kennsla er í höndum starfandi sérfræðinga hjá Skattinum.

Þessi námsleið er fyrir starfsmenn fyrirtækja sem annars gerð tollskýrslna og sjá um samskipti við tollyfirvöld vegna þeirra. Athygli er vakin á því að starfsmenn tollmiðlara, sem annars gerð tollskýrslna og samskipti við tollyfirvöld vegna þeirra, skulu hafa sótt námskeiðið. Þátttakendur á þessu námskeiði þurfa að hafa góða almenna tölvukunnáttu. Æskilegt er að hafa einhverja grunnþekkingu á tollamálum.

Helstu atriði sem farið er yfir:

Lög og reglur um tollmeðferð vöru eins og:
- Tollflokkun
- Tollskýrslugerð
- Meðferð ótollafgreiddra vöru
- Ábyrgð á greiðslu aðflutningsgjalda
- Upplýsingar til tollyfirvalda
- Reglur um greiðslufrest aðflutningsgjalda
- Helstu ákvæði tollalaga nr 88/2005 eins og:
  - starfsemi tollmiðlara
  - vörslu og tollmeðferð vöru (sbr. reglurgerð nr 1100/2006)

Þessi námsleið veitir diplóma svo fremi sem nemendur standist frammistöðumat

Námskeiðið er 100 kennslustundir (67 klukkustundir). Miðað er við að mæting sé að lágmarki 90% í öllum námsþáttum til að þátttakendur teljist hafa lokið námskeiðinu.