Verkefnastjórnun

á mannamáli

Price range: 234.500 kr. through 435.500 kr.

Leiðbeinendur

Um námið

Verkefnastjórnun á mannamáli er hagnýt námsleið í fjarnámi þar sem farið er yfir verkefnastjórnun frá A–Ö. Nemendur læra að skipuleggja og stýra verkefnum úr eigin lífi eða starfi með aðferðum og verkfærum verkefnastjórnunar.

Í náminu er lögð áhersla á leiðtogahæfni, sjálfsþekkingu, teymisvinnu, samskipti og skilgreiningu og skipulag verkefna. Nemendur læra meðal annars að útbúa verk- og fjárhagsáætlanir, framkvæma áhættu- og hagsmunaaðilagreiningar og leiða verkefni frá upphafi til enda með hagsmuni allra að leiðarljósi. Þekkingin nýtist jafnt við stjórnun og skipulag innan fyrirtækja sem og í sjálfstæðum verkefnum.

Á námstímanum eru haldnir að minnsta kosti tveir Teams-fundir með kennurum þar sem farið er yfir verkefni fram undan og nemendur geta spurt spurninga, rætt vangaveltur og fengið leiðsögn.

Námið getur nýst sem grunnur fyrir D-vottun í verkefnastjórnun hjá Verkefnastjórnunarfélagi Íslands.

Verkefnastjórnun er sífellt mikilvægari þáttur í almennri stjórnun og er aðferðafræði hennar notuð í nánast öllu starfi nú til dags. Því má hagnast verulega á því að kunna aðferðafræði verkefnastjórnunar á vinnumarkaði í dag og geta tól verkefnastjórnunar skapað ákveðið samkeppnisforskot fyrir þá sem kunna að nota þau.

Námskeiðið er ætlað fyrir bæði stjórnendur og einstaklinga sem:

Vilja efla sig í skipulagningu og yfirsýn verkefna, samskiptum við þverfagleg teymi og utanaðkomandi hagsmunaaðila.
Þurfa að nota verkefnastjórnun í sínu starfi, þurfa að ná góðri yfirsýn og drífa verkefni áfram af öllum stærðum og gerðum.
Vilja nýta sér verkfæri og aðferðir verkefnastjórnunar.
Fyrir þá sem vilja efla sig sem leiðtogar.
Fyrir þá sem vilja undirbúa sig fyrir D-vottun í verkefnastjórnun.

Það sem við viljum að þú fáir út úr námskeiðinu er að þú:

Ná góðum skilningi á helstu aðferðum faglegrar verkefnastjórnunar.
Öðlist breiða innsýn í helstu aðferðir sem nýttar eru í verkefnastjórnun.
Að veita þér aðgengi að aðferðum og hagnýtri verkfærakistu sem þú getur nýtt í daglegri stjórnun verkefna.

Námið er 6 vikna lotunám, verkefnaskil og diplóma:

Lota 1 Inngangur í verkefnastjórnun og heim verkefnastjórans
Lota 2 Leiðtogahæfni og samskipti
Lota 3 Undirbúningur verkefna
Lota 4 Undirbúningur verkefna (framhald)
Lota 5 Framkvæmd verkefna og verkefnaskil
Lota 6 Lokaverkefni og kynning

Hver lota er ein vika. Hver lota skiptist í myndbandsfyrirlestra, glærur, verkefni og ítarefni. Þátttakendur fá allt námsefni og ítarefni í upphafi hverrar lotu ásamt verkefnum til að vinna þegar það á við.

Verkefni eru að eigin vali og geta verið hluti af raunhæfum verkefnum sem tengjast þínu starfi eða þínum áhugamálum. Eins geta verkefnin verið skálduð eða verkefni sem búið er að framkvæma. Allar verkefnahugmyndir þarf að leggja fyrir kennara í upphafi svo hægt sé að meta hvort þau séu raunhæf vegna t.d. tímalengdar eða umfangs.

Þeir þátttakendur sem vinna vel verkefni fá frammistöðumat frá skólanum en það er auðvitað valfjrálst öllum hvort þeir geri það. Þeir sem vinna samviskusamlega og skila verkefnum fá Diplóma frá NTV skólanum með einkunnum. Nemendur sem ljúka sjálfsnámi eru ekki að fá diplóma eða frammistöðumat því það eru engin próf eða verkefnaskil í sjálfsnámi.

Skólinn áætlar að hver nemandi þurfi að verja um 10-15 klukkustundum á viku í viðkomandi námsleið, að því gefnu að viðkomandi leggi sig fram. Það er auðvitað breytilegt eftir einstaklingum og áhuga og metnaði viðkomandi. Nemendur fá frammistöðumat/einkunnir að námi loknu, og má gera ráð fyrir að samhengi sé á milli vinnuframlags og frammistöðu.

Námsefnið, verkefnin og nemendaumhverfið:

Námsefnið er í formi kennslumyndbanda sem leiðbeinendur og skólinn hafa framleitt, lesefni, ítarefni auk verkefna. Nemendur fá aðgengi að því efni sem tengist hverri lotu við upphaf lotunnar. Aðgengið að námsefninu og samskipti við leiðbeinendur er í gegnum nemendaumhverfi skólans. Hluti af námsefninu getur verið á ensku, þá aðallega ítarefni.
Verkefni geta verið greinargerðir, aðgerðaráætlun, próf/quiz eða hvað sem kennarar í fjarnámi telja að henti best hverju viðfangsefni. Nemendaumhverfi skólans er í gegnum Office 365 umhverfið, þar sem öll miðlun á efni og samskipti eru í Teams, í lokuðum hópi. Á fyrsta degi, þegar námið hefst, fá nemendur sendan aðgang að nemendasvæðinu svo fremi sem þeir hafa gengið frá greiðslum/greiðslusamkomulagi.

Meðmæli

Helga Andrésdóttir Þroskaþjálfi