Tollskýrslugerð grunnur

Grunnur

169.000 kr.

Um námið

Tollskýslugerð grunnur er hagnýtt grunnnám um gerð tollskýrslna. Farið er í helstu reglur er varða inn- og útflutning, tollskýrslugerð, innflutningstakmarkanir og undanþágur. Farið er yfir fylgiskjöl með vörusendingum og hvaða tilgangi þau þjóna við innflutning og gerð tollskýrslna. Farið er m.a. yfir myndun tollverðs og útreikning aðflutningsgjalda. Kynntir eru fríverslunarsamningar og notkun tollskrárinnar.

Í boði er að texta myndböndin í fjarnáminu á íslensku, ensku og pólsku. Nemendur sem hafa íslensku sem annað tungumál fá stuðningsefni.

Þessi námsleið er ætluð byrjendum í tollskýrslugerð og/eða fyrir þá sem vilja styrkja kunnáttu sína á þessu sviði. Þátttakendur á þessu námskeiði þurfa að hafa góða almenna tölvukunnáttu.

Að loknu námi eiga þáttakendur að:

Kynnast helstu reglum varðandi tollskýrslugerð.
Þekkja fylgiskjöl með vörusendingum og hvaða tilgangi þau þjóna.
Geta gert tollskýrslur og reiknað út aðflutningsgjöld.
Öðlast grunnskilning á fríverslunarsamningum og gildi þeirra.
Öðlast grunnskilning á hvernig nota eigi tollskránna til að tollflokka vöru.

Helstu atriði sem farið er yfir:

Feril vörusendingar og fylgiskjöl.
Afhendingarskilmála.
Helstu reglur varðandi innflutning.
Tollflokkun vöru.
Fríverslunarsamningar og gildi þeirra.
Útfyllingu innflutningsskýrslu bæði á pappír og rafrænt.
Útreikning á tollverði og aðflutningsgjöldum með verkefnum.
Hvernig innflutningsskýrsla er útbúin þegar leiðrétta þarf þegar tollafgreidda innflutningsskýrslu.
Leyfi og bönn kynnt.
Sýnd dæmi um EUR – tollmeðferð.
Farið er í gegnum útfyllingu útflutningsskýrslu, þ.e. hvað á að skrá í hvern reit og helstu atriði er snúa að útflutningi.

Þessi námsleið veitir diplóma svo fremi sem nemendur standist frammistöðumat.

7 kennsludagar. Að nemendur séu virkir og leysi þau verkefni sem sett eru fyrir.