• Stjórnendur sem vilja efla sig í stjórnun starfsfólks og skapa starfsumhverfi sem dregur fram það besta í fólki og hámarkar frammistöðu.
• Einstaklingar sem starfa við mannauðsmál.
• Þeir sem hafa almennan áhuga á mannauðsmálum.

Að loknu námi eiga þátttakendur að:

• Þekkja og skilja helstu aðferðir faglegrar mannauðsstjórnunar.

• Skilja hvernig markviss mannauðsstjórnun getur bætt frammistöðu starfsfólks og stutt heildarárangur fyrirtækis eða skipulagseiningar.

• Hafa öðlast breiða innsýn í lykilaðferðir og nálganir á sviði mannauðsmála.

• Hafa aðgang að hagnýtum aðferðum og verkfærum sem nýtast í daglegri stjórnun mannauðs.

• Geta nýtt verkfærakistu námsins við uppbyggingu eða þróun mannauðshlutverks innan fyrirtækis eða skipulagseiningar á almennum vinnumarkaði.

Námið samanstendur af eftirfarandi lotum:

• Lota 1 Hvað er mannauðsstjórnun og hvernig verð ég góður stjórnandi?
• Lota 2 Ráðningar. Að ráða rétta fólkið fyrir starfið.
• Lota 3 Móttaka, þjálfun og fræðsla.
• Lota 4 Að stjórna frammistöðu og leiða breytingar.
• Lota 5 Hvatning og helgun.
• Lota 6 Að byggja upp liðsheild og erfið starfsmannamál.
• Lota 7 Heilsa, vellíðan og vinnuumhverfið.
• Lota 8 Laun, fríðindi og réttindi, starfslok og uppsagnir.

Þátttakendur fá allt námsefni og ítarefni í upphafi hverrar lotu ásamt verkefni til að vinna þegar það á við.

Frammistöðumat / einkunn er gefin fyrir námið sem byggist á verkefnaskilum. Þátttakendum er frjálst að skila verkefnum, en án verkefnaskila er ekki hægt að veita viðkomandi frammistöðumat.

Áætlað er að hver nemandi þurfi að verja að meðaltali 6-8 klukkustundum á viku í til að sinna námsleiðinni vel (umþb 48-64 klst. öll námsleiðin). Það er auðvitað breytilegt eftir einstaklingum og áhuga og metnaði viðkomandi.

Námsefnið, verkefnin og nemendaumhverfið:

Námsefnið er í formi kennslumyndbanda sem leiðbeinendur og skólinn hafa framleitt, lesefni, ítarefni auk verkefna. Nemendur fá aðgengi að því efni sem tengist hverri lotu. Aðgengið að námsefninu og samskipti við leiðbeinendur er í gegnum nemendaumhverfi skólans. Hluti af námsefninu getur verið á ensku, þá aðallega ítarefni. Verkefni geta verið greinargerðir, aðgerðaáætlun, próf / quiz eða hvað sem kennarar í fjarnámi telja að henti best hverju viðfangsefni.
Ef þú ert í línulegu fjarnámi (í hópi) þá er nemendaumhverfi skólans í Office 365 umhverfinu. Þar fer þá fram öll miðlun á efni og samskipti eru í Teams í lokuðum hópi. Á fyrsta degi, þegar námið hefst, fá nemendur sendan aðgang að nemendasvæðinu svo fremi sem þeir hafa gengið frá greiðslum / greiðslusamkomulagi.
Ef þú velur Frelsisnám þá er öll miðlun og þjónusta/samskipti í gegnum vafra og heimasíðu skólans.