Hagnýtt hjálpargagn við gerð skattframtala og við skattskil sem miðar að því að auka skilning og færni. Hugsað fyrir minni fyrirtæki, rekstraraðila og einstaklinga með eigin rekstur. Farið í gegnum helstu skref við útfyllingu og afstemmingar á eyðublöðum og rekstrarskýrslum hjá Skattinum.

Stafrænt námskeið er hagnýt og hagkvæm leið sem veitir þér góðar leiðbeiningar og stuðning ef þú ætlar að vinna við framtal einstaklings með rekstur eða lítils fyrirtækis.

Þetta stafræna námskeið er alls ekki ætlað að skapa þér einhverja sérfræðiþekkingu, fyrst og fremst auka færni og yfirsýn og vera gott stuðningstæki. Án efa er þetta gott námskeið fyrir Viðurkennda bókara og fólk sem starfar við bókhald og umframm allt þá sem eru að vinna með eigin framtöl.

Á námskeiðinu verður farið í gegnum helstu þætti sem snúa að íslensku skattaumhverfi og skattskilum rekstraraðila og einstaklinga með rekstur. Sýnd verða dæmi um gerð skattframtala fyrir einstaklinga, einstaklinga með rekstur og lítil einkahlutafélög.

Markmiðið með námskeiðinu er að þátttakendur fái góða grunnþekkingu á íslensku skattaumhverfi og nái að bæta færni sína við framtalsgerð og skattskil.

Námskeiðið er stafrænt, aðgengi opnast um leið og þú greiðir og því hægt að sinna því á þeim tíma sem hentar hverjum og einum. Sérlega gagnlegt samhliða skilum á framtali og sköttum. Námsleiðin skiptist í 3 lotur: Lota 1 Skattar og gjöld – Regluverk skatta í hnotskurn. Lota 2 Skattkerfið Tekjuskattur Launatengd gjöld Virðisaukaskattur Ársreikningur Gagnaskil og framtalsfrestir Lota 3 Skattframtal einstaklings með atvinnurekstur – RSK 4.11 Skattframtal rekstraraðila – RSL 1.04

Leiðbeinendur eru Knútur Þórhallsson og Björn Jónsson.

Knútur Þórhallsson er löggiltur endurskoðandi og viðskiptafræðingur frá Háskóla Íslands. Knútur hefur sinnt stundakennslu á háskólastigi og haldið ýmsa fyrirlestra og kynningar á ráðstefnum og fundum, jafnt fyrir viðskiptavini og starfsmenn. Knútur er einn eiganda Advant endurskoðunar ehf.

Björn Jónsson er viðskiptafræðingar frá Háskóla Íslands og viðurkenndur bókari. Hann hefur mikla reynslu úr atvinnulífinu sem stjórnandi og ráðgjafi. Björn starfar á fjármálaskrifstofu Háskóla Íslands ásamt því að kenna í Viðurkennda bókaranum hjá NTV skólanum.