3. desember 2026

08:00-17:05 · Á netinu · Á ensku · Ókeypis þátttaka

Vertu með á Cyber Security Day 2026, alþjóðlegri netráðstefnu á vegum LLPA (Leading Learning Partners Association), sem haldin er innan evrópska IQ Defence-verkefnisins.

Á ráðstefnunni koma saman sérfræðingar í netöryggi, upplýsingatækni og regluverki til að miðla þekkingu sinni á nýjustu netógnum, gervigreind, vörnum gegn netárásum og síbreytilegum kröfum til fyrirtækja og stofnana.

Dagskráin samanstendur af 18 erindum á tveimur samhliða dagskrárbrautum, þar sem fjallað verður annars vegar um tæknilegt netöryggi og hins vegar stjórnun, áhættustýringu og regluverk.

Ráðstefnan fer fram á netinu á ensku og er þátttaka öllum að kostnaðarlausu.

Einn dagur – 18 erindi um netöryggi

Cyber Security Day 2026 býður upp á fjölbreytta dagskrá þar sem reyndir sérfræðingar og fyrirlesarar víðs vegar að úr Evrópu fjalla um raunverulegar áskoranir í netöryggi og leiðir til að mæta þeim.

Áhersla er lögð á hagnýta þekkingu, raunveruleg dæmi og lausnir sem nýtast bæði tæknisérfræðingum og stjórnendum.

Ráðstefnan skiptist í tvær dagskrárbrautir og geta þátttakendur valið þau erindi sem best henta þeirra áhugasviði og starfssviði.

Tæknilegt netöryggi – Operational & Technical IT Security

Þessi dagskrárbraut er ætluð sérfræðingum í upplýsingatækni og netöryggi sem vilja efla þekkingu sína á netógnum, árásaraðferðum og tæknilegum vörnum.

Meðal umfjöllunarefna eru:

• Gervigreind í netárásum og netvörnum
• Siðferðilegt hakk og öryggisprófanir (Penetration Testing)
• Öryggi skýjalausna og Zero Trust
• Ógnagreining og viðbrögð við netöryggisatvikum
• Öryggi Active Directory og Windows Server
• Varnir gegn gagnagíslatöku og öðrum netárásum
• Sjálfvirkni og gervigreind við öryggisuppfærslur

Erindin byggja meðal annars á raunverulegum árásardæmum, tæknilegum sýnikennslum og reynslu sérfræðinga af því að greina og fyrirbyggja öryggisbresti.

Stjórnun og regluverk – Governance & Regulation

Þessi dagskrárbraut hentar stjórnendum, upplýsingatæknistjórum og þeim sem bera ábyrgð á netöryggi, áhættustýringu og regluvörslu innan fyrirtækja og stofnana.

Meðal umfjöllunarefna eru:

• NIS2 og evrópskt netöryggisregluverk
• Cyber Resilience Act (CRA)
• Áhættustýring og netöryggisstefna fyrirtækja
• Undirbúningur fyrir netöryggisúttektir
• Ábyrgð stjórnenda á netöryggi
• Viðbrögð við netöryggisatvikum og tilkynningaskyldur
• Örugg meðferð og flokkun gagna á tímum gervigreindar

Áhersla er lögð á að tengja reglugerðir og kröfur við raunverulegar aðstæður og sýna hvernig fyrirtæki og stofnanir geta styrkt öryggi sitt og viðnámsþrótt.

Fyrir hverja er ráðstefnan?

Cyber Security Day 2026 hentar öllum sem vilja fylgjast með þróun netöryggismála og efla þekkingu sína á sviðinu.

Ráðstefnan er sérstaklega áhugaverð fyrir:

• Kerfis- og netstjóra
• Sérfræðinga í upplýsingatækni og netöryggi
• Hugbúnaðar- og skýjalaunasérfræðinga
• Tæknistjóra og upplýsingatæknistjóra
• Stjórnendur fyrirtækja og stofnana
• Sérfræðinga í áhættustýringu og regluvörslu
• Öryggisráðgjafa og þá sem starfa við upplýsingavernd
• Alla sem hafa áhuga á netöryggi og tækninýjungum

Hvort sem þú starfar við tæknilega útfærslu öryggislausna eða tekur ákvarðanir um öryggisstefnu fyrirtækis getur ráðstefnan veitt þér gagnlega innsýn í þær áskoranir sem fram undan eru.

Hvenær og hvar fer ráðstefnan fram?

Dagsetning: Fimmtudagurinn 3. desember 2026

Tími: 08:00–17:05 að íslenskum tíma

Staðsetning: Á netinu

Verð: Ókeypis

Ráðstefnan fer fram í beinu streymi og hægt er að fylgjast með henni hvar sem er.

Erindin verða jafnframt tekin upp og aðgengileg á vef IQ Defence eftir ráðstefnuna, til og með 31. desember 2028.

Þannig geta þátttakendur kynnt sér erindi sem þeir misstu af eða rifjað upp áhugaverð umfjöllunarefni síðar.

Um LLPA og IQ Defence

LLPA (Leading Learning Partners Association) eru alþjóðleg samtök fræðslu- og þjálfunaraðila sem vinna að því að efla faglega þekkingu og hæfni.

Cyber Security Day 2026 er haldinn á vegum LLPA innan IQ Defence-verkefnisins, sem hefur það að markmiði að styrkja netöryggi í Evrópu með því að efla þekkingu, hæfni og viðbúnað einstaklinga, fyrirtækja og stofnana gagnvart stafrænum ógnum.

IQ Defence er styrkt af Digital Europe Programme Evrópusambandsins og leggur áherslu á að efla mannlega þáttinn í netöryggi með fræðslu og hagnýtri þjálfun.

Ráðstefnan er liður í því að gera sérfræðiþekkingu á netöryggi aðgengilegri og stuðla að aukinni vitund um þær ógnir sem fyrirtæki og stofnanir standa frammi fyrir.

Skráðu þig á Cyber Security Day 2026

Viltu efla þekkingu þína á netöryggi, gervigreind og nýjustu áskorunum í upplýsingatækni?

Cyber Security Day 2026 er tækifæri til að hlusta á reynda sérfræðinga, kynnast raunverulegum dæmum og öðlast hagnýta innsýn í þróun netöryggismála.

Þátttaka er ókeypis.

Við skráningu færðu aðgang að beinu streymi beggja dagskrárbrauta. Aðgangshlekkur og áminningar verða send í tölvupósti fyrir ráðstefnuna.