Mannauðsstjórnun – á mannamáli

Price range: 262.500 kr. through 487.500 kr.

Leiðbeinendur

Um námið

Mannauðsstjórnun á mannamáli er námsleið þar sem fjallað er um margvísleg málefni mannauðsstjórnunar og lögð áhersla á að veita þátttakendum hagnýt verkfæri til að takast á við viðfangsefni mannauðsstjórnunar í daglegri stjórnun. Fjallað verður um leiðir til að velja rétta starfsfólkið til starfa, hvað ber að hafa í huga við faglega móttöku nýliða, hvernig megi skipuleggja þjálfun starfsmanna, hvernig eigi að ræða um og bæta frammistöðu og hvernig megi ná fram betri afköstum starfsfólks með hvatningu, eflingu liðsheildar og góðum samskiptum. Einnig er farið yfir ýmis viðfangsefni, eins og hvernig eigi að taka ákvörðun um laun, fjallað um árangursríkar leiðir til að taka á erfiðum samskiptamálum, hvernig eigi að takast á víð tíðar veikindafjarvistir og hvernig megi fyrirbyggja streitu og kulnun í starfi. Uppsagnir og starfslok.

Stjórnendur sem vilja efla sig í stjórnun starfsfólks og búa til starfsumhverfi sem dregur fram það besta í fólki og hámarka þannig frammistöðu starfsfólks.
Þá sem starfa við mannauðsmál.
Fyrir þá sem hafa áhuga á mannauðsmálum.

Að þátttakendur þekki og skilji helstu aðferðir faglegrar mannauðsstjórnunar sem stuðla að bættri frammistöðu starfsfólks og ýta þannig undir heildarárangur fyrirtækis eða skipulagseiningar. Við lok námskeiðs hafa þátttakendur öðlast breiða innsýn í helstu aðferðir faglegrar mannauðsstjórnunar auk þess að hafa fengið aðgengi að aðferðum og hagnýtri verkfærakistu sem getur nýst í daglegri stjórnun mannauðs á vinnustað eða uppbyggingu hlutverks á sviði mannauðsmála í fyrirtæki eða skipulagseiningu á almennum vinnumarkaði.

Frammistöðumat/diplóma frá NTV skólanum er gefin fyrir námið sem byggist á einkunnum úr prófum/verkefnaskilum. Fólki er frjálst að skila verkefnum, en án verkefnaskila er ekki hægt að veita viðkomandi frammistöðumat/diplóma.

Áætlað er að hver nemandi þurfi að verja að meðaltali 6-8 klukkustundum á viku í til að sinna námsleiðinni vel (umþb 48-64 klst. öll námsleiðin). Það er auðvitað breytilegt eftir einstaklingum og áhuga og metnaði viðkomandi. Nemendur fá frammistöðumat / einkunnir að námi loknu, og má gera ráð fyrir að samhengi sé á milli vinnuframlags og frammistöðu.

Námsefnið, verkefnin og nemendaumhverfið:

Námsefnið er í formi kennslumyndbanda sem leiðbeinendur og skólinn hafa framleitt, lesefni, ítarefni auk verkefna. Nemendur fá aðgengi að því efni sem tengist hverri lotu. Aðgengið að námsefninu og samskipti við leiðbeinendur er í gegnum nemendaumhverfi skólans. Hluti af námsefninu getur verið á ensku, þá aðallega ítarefni. Verkefni geta verið greinargerðir, aðgerðaáætlun, próf / quiz eða hvað sem kennarar í fjarnámi telja að henti best hverju viðfangsefni.
Ef þú ert í línulegu fjarnámi (í hópi) þá er nemendaumhverfi skólans í Office 365 umhverfinu. Þar fer þá fram öll miðlun á efni og samskipti eru í Teams í lokuðum hópi. Á fyrsta degi, þegar námið hefst, fá nemendur sendan aðgang að nemendasvæðinu svo fremi sem þeir hafa gengið frá greiðslum / greiðslusamkomulagi.
Ef þú velur Frelsisnám eða Sjálfsnám þá er öll miðlun og þjónusta/samskipti í gegnum vafra og heimasíðu skólans.

Meðmæli

Ég mæli vel með náminu mannauðsstjórnun á mannamáli. Mér fannst námskeiðið faglegt og mjög hagnýtt og nýtast vel þeim sem vilja dýpka þekkingu sína á mannauðsmálum. Mér fannst frábært að geta sinnt náminu á mínum hraða þegar mér hentaði. Námið skilar góðum verkfærum til að takast á við viðfangsefni mannauðsstjórnunar.

Dagrún Fanný Liljarsdóttir BA félagsráðgjöf, MA stjórnun og stefnumótun

Mannauðsstjórnun á mannamáli er frábært nám og hentar virkilega vel til að fá góða innsýn og fullt af verkfærum í málefnum mannauðsstjórnunar. Ég hef nýtt mér það mjög vel í mínu starfi sem mannauðsstjóri á Heilbrigðisstofnun Vesturlands, en ég er nýbyrjaður í því starfi. Námið er praktískt og mjög mikið af efninu nýtist í daglegum...

Sigurður Þór Sigursteinsson, mannauðsstjóri á Heilbrigðisstofnun Vesturlands.