Kerfisstjórnun grunnur

Fyrsti hluti í kerfisstjórnun

774.500 kr.

Um námið

Kerfisstjórnun grunnur er námsleið sem er sniðin að þeim sem hafa áhuga á að vinna við þjónustu tölvukerfa. Nemendur kynnast þeim stýrikerfum, hugbúnaði og skýjaumhverfum sem notuð eru við kerfisþjónustu og snúa helst að þjónustu við notendur, útstöðvar og innviði

Flestir leiðbeinendur í kerfisstjóranámi hjá NTV Promennt eru Microsoft Certified Trainers (MCT).

Námsleiðin er fyrir þá sem hafa almenna tölvufærni og áhuga á að starfa við notenda og kerfisþjónustu. Námið gerir talsverðar kröfur til nemenda og þurfa þeir að vera tilbúnir að leggja sig fram í náminu til að ná góðum árangri. Þar sem kennslu og námsefni er á ensku þurfa nemendur að hafa nokkuð góð tök á ensku, ekki er þó krafist þekkingar á tækniensku.

Að loknu námi eiga þáttakendur að:

Hafa þekkingu og skilning á hugbúnaði tölva

Hafa þekkingu á hvernig algengustu netkerfi virka og geta leyst úr einföldum vandamálum tengdum þeim

Gera sér grein fyrir mikilvægi góðrar skjölunar, hafa skilning á mikilvægi verkbeiðna og geta teiknað upp ýmsar tegundir tölvukerfa

Kunna að sýsla með Windows stýrikerfi

Geta sett upp og stjórnað Microsoft Azure skýjaumhverfi

Geta samtengt staðar tölvukerfi við skýjaumhverfi í Azure

Geta þjónustað notendur í Active Directory umhverfi, þ.m.t. stofnað notendur, endursett lykilorð og set notendur í notandahópa

Hafa yfirgripsmikla þekkingu á hinum ýmsu Windows Server þjónustum, nemendur geta sett upp og stillt þjónusturnar eftir þörfum

Hæfni í uppsetningu á sýndarvélum og viðhaldi þeirra

Helstu námshlutar sem verður farið í á námsbrautinni:

Implementing and Managing Windows 11

Comptia Network+

Microsoft Azure Administrator

Administering Windows Server Hybrid Core Infrastructure

Configure Windows Server Hybrid Advanced Services

Þessi námsbraut er grunnur að Kerfisstjóri diplómanám og veitt er viðurkenning við lok náms.

Kennslan er áætluð 210 kennslustundir (140 klukkustundir) og vinnuframlag nemenda er í kringum 8-16 klukkustundir á viku.